PAMPINID na PAGDIRIWANG ng BUWAN ng WIKA 2025
Sa pagtatapos ng makulay at makabuluhang pagdiriwang ng Buwan ng Wika, muling pinagtibay ng San Jacinto National High School ang kahalagahan ng wikang Filipino at mga katutubong wika bilang sandigan ng ating pagkakakilanlan. Sa temang “Paglinang sa Filipino at Katutubong Wika: Makasaysayan sa Pagkakaisa ng Bansa,” ating sinariwa ang diwa ng bayanihan, kultura, at kasaysayan na bumubuo sa ating pagka-Pilipino.
Sa bawat pagtatanghal, paligsahan, at talakayan, naipamalas ng bawat mag-aaral ang kanilang galing, talino, at pagmamalasakit sa sariling wika. Ngayong pampinid na selebrasyon, hindi lamang natin tinatapos ang isang buwan ng paggunita—bagkus, pinapalalim natin ang ating paninindigan na ang wika ay buhay, at ito ang puso ng ating pagkakaisa bilang isang bansa.
Mabuhay ang Wikang Filipino. Mabuhay ang Sambayanang Pilipino!
